မိုင်ဆွန်ခ . . . . . .။
ဒီနေ့ တော့ ရှမ်းရိုးရာအစားအစာများထဲက ထင်ရှားတဲ့ ဟင်းတစ်မျိုးကို မျှဝေလိုက်ပါတယ်ရှင်…ဒီဟင်းလေးက ကျမတို့ ရှမ်းပြည်အရှေ့ ပိုင်းမှာတော့မစားဖူးပါဘူး…ကျမ လဲချားမြို့ ကိုရောက်ဖူးခဲ့စဉ်အခါက ပထမဦးဆုံးစားဖူးပြီး အလွန်နှစ်သက်မိလို့  အဒေါ်ဆီကနည်းလေးမေးပြီး မကြာခဏချက်စားဖြစ်ပါတယ်။ ဘယ်ရာသီမှာစားစား တို့ စရာအစုံအလင်နဲ့ အင်မတန်ခံတွင်းတွေ့ စေပါတယ်။ အဲဒီဟင်းလေးကတော့ ” နမ့်ဖစ်ဖူး” လို့ ခေါ်ပါတယ်။ လုပ်ရတာသိပ်မခက်လှပါဘူး…နမ့်ဖစ်ဖူးအကြောင်းကို ရှမ်းအဆိုတော်တစ်ယောက်ကတောင် အမှတ်တရ ဆိုခဲ့ဖူးပါတယ်။ အဲဒီသီချင်းထဲမှာ နမ့်ဖစ်ဖူးမှာပါဝင်တဲ့ တို့ စရာအရွက်တွေကို အစုံအလင်ဖော်ပြထားပါတယ်။ အဲဒီသီချင်းလေးကို ကျမ youtube မှာ ရှာတာမတွေ့ လို့  ချစ်မိတ်ဆွေများရှာတွေ့ ခဲ့ကြရင်လည်း မျှဝေပေးဖို့ တောင်းဆိုပါတယ်နော်။
နမ့်ဖစ်ဖူး(တစ်ခွက်စာ)အတွက်လို အပ်တာလေးတွေကတော့
- မြေပဲဆံလှော်ထောင်း လက်တစ်ဆုပ်စာ(ညက်ညက်ထောင်းထားရန်)
- ကြက်သွန်နီ ၃ ဥ(မီးကင်ပြီး အခွံနွှာကာ ကြိတ်ထားရန်)
- ကြက်သွန်ဖြူ(ဥတစ်လုံး) ၅ ဥ(ဆီနှင့်လှော်ပြီးညက်ညက်ထောင်းထားရန်)
- ငရုတ်သီးစိမ်း အနည်းငယ်(ဆီနှင့်လှော်ပြီးညက်ညက်ထောင်းထားရန်)
- ခရမ်းချဉ်သီး ၃ လုံး(မီးကင်ပြီး အခွံနွှာကာ ကြိတ်ထားရန်)
- ပဲပုပ်မှုန့်  ထမင်းစားဇွန်း ၂ ဇွန်း
- ရှမ်းနံနံ အနည်းငယ်(ညက်ညက်ထောင်းထားရန်)
- နံနံပင်(တောက်တောက်စင်းထားရန်)
- ဆား အနည်းငယ်
- ဟင်းခတ်မှုန့်  အနည်းငယ်
- ရေသန့်  အနည်းငယ်
ပါဝင်သော အမယ်များအားလုံးကို ပန်းကန်လုံးတစ်လုံးတွင်ထည့်ပြီး ရေသန့် နှင့် မပြစ်မကျဲ လေးဖျော်ကာ အပေါ့အငံမြည်းပြီး နှစ်သက်ရာဟင်းသီးဟင်းရွက်လေးတွေနဲ့ သုံးဆောင်နိုင်ပါပြီရှင်။ ကျမလဲချားမြို့ မှာစားဖူးတုန်းက တို့ စရာအရွက်တွေအင်မတန်များပြားပြီး တစ်ချို့ အရွက်တွေဟာ ရှားပါးတဲ့အရွက်တွေလည်းပါဝင်တာတွေ့ ရပါတယ်။ ဒီမှာတော့ ဈေးထဲမှာရောင်းတဲ့ ဟင်းသီးဟင်းရွက်တွေနဲ့ တို့ စရာလေးတွေအဖြစ် သုံးဆောင်သွားကြပါဦးနော်။ အားလုံးပျော်ရွှင်ချမ်းမြေ့ကြပါစေ။ ။
Sae Hark Main
Get From >> SengLiKham
ShanStateDefenceArmy
