စိုင်းလောဝ်ဆိုင်

စိုင်းလောဝ်ဆိုင် (ရှမ်းအနုပညာထူးချွန်ဆုရ)

၁၉၄၄ ခု နိုဝင်ဘာလတုံးက ဝါဒမတူ အယူမမျှမှုကြောင့် ဒုတိယကမ္ဘာစစ်မီးကြီး တောက်လောင်နေတဲ့အချိန်ပါ။ ရှမ်းပြည်မှာတော့ ဂျပန်စစ်သားတွေ ရောက်လာကြပြီး ပြည်သူပြည်သားတွေ ထွက်ပြေးတိမ်းရှောင်နေရတဲ့အချိန်ဖြစ်တယ်။

          အဲဒီပြည်သူတွေထဲမှာ စိုင်းဘခိုင်နဲ့ နန်းအေးစိန်တို့လည်း စစ်ဘေးစစ်ဒဏ်ကို တိမ်းရှောင်ရင်း ကွတ်ခိုင်မြို့နယ်အတွင်းရှိ နမ့်ကတ်ရွာကို ရောက်လာကြတယ်။ ဇနီးဖြစ်သူ နန်းအေးခိုင်ကလည်း ကိုယ်ဝန်အရင့်အမာကြီးနဲ့ ဖြစ်နေတော့ အဲဒီနှစ် နိုဝင်ဘာလ ၃၀ ရက်၊ တနင်္လာနေ့မှာ သားဦးရတနာကို ဖွားမြင်ခဲ့ပြီး စိုင်းကျော်စံလို့ ကင်ပွန်းတပ်ပေးလိုက်တယ်။ စိုင်းကျော်စံမွေးဖွားတဲ့အချိန်ကတော့ စစ်ကြောင့် လူတွေ ဟိုးလေးတကျော် ဖြစ်နေလေတော့ သူကိုယ်တိုင်လည်း လူတွေကို ဟိုးလေးတကျော် ဖြစ်စေမည့် ရှမ်းနာမည်ကျော်တေးရေးဆရာ စိုင်းလောဝ်ဆိုင် ဖြစ်လာခြင်းနိမိတ်လို့ ဆိုရပါမယ်။

မျိုးရိုး

အဘိုးနာမည်ကတော့ ပူလွယ်ထမ်းရွက်ဖြစ်ပြီး အဖိုးရဲ့ ညီမကတော့ နန်းနလုံတဲ့။ အဖွားကတော့ နိုင်းလွယ်စင်ဖြစ်ကာ အဖွားရဲ့ အစ်မကတော့ နန်းအေးဆာပါ။ နောက်အစ်ကို တစ်ယောက်ရှိသေးတယ် စိုင်းဆန်စိုင်းတဲ့။ ညီတစ်ယောက်ရဲ့ နာမည်ကတော့ စိုင်းဆန်ထွန်း ဖြစ်ပြီး သိန္နီမှာနေထိုင်ကာ မျိုးရိုးကတော့ ပျဲန့်မျိုးဖြစ်တယ်။

တစ်အူတုံဆင်းများ

စိုင်းလောဝ်ဆိုင်ရဲ့ တစ်အူတုံဆင်း ခြောက်ယောက်ရှိပြီး သူကတော့ အစ်ကိုကြီးပေါ့။ ကျန်တာတွေကတော့ စိုင်းရွှေလှ(ခေါ်) စိုင်းလိန်ခမ်း၊ စိုင်းအိုက်ဆမ်၊ စိုင်းညွှန့်မောင် (ခေါ်) စိုင်းဆိုင်မောဝ်၊ စိုင်းတား(ခေါ်) စိုင်းလှိုင်းဆိုင်နဲ့ နန်းသိန်းဟန် တို့ဖြစ်ကြတယ်။

ကျောင်းသားဘဝ

၁၉၄၇-၄၉ တုံးက မိဘတွေနဲ့အတူ လားရှိုးကို ပြောင်းလာကြပြီး စာရေးကုန်းရပ်ကွက်မှာ နေထိုင်ကာ ၁၉၅၂ မှာ လွယ်ရိုး အလယ်တန်းကျောင်းမှာ ကျောင်းတက်ခဲ့တယ်။ ၁၉၅၃ မိခင်ဆုံးပြီးတဲ့နောက် မူဆယ်ရှိ အဖိုးနဲ့ အဖွားထံ လာနေပြီး ၁၉၅၄ ခုမှာ မူဆယ် အလယ်တန်း ကျောင်းတက်ကာ ပဉ္စမတန်းကို အောင်မြင်ခဲ့တယ်။ အဲဒီနောက် အဖိုးဖြစ်သူက သူ့ကို ကွတ်ခိုင်မြို့ Stealer Marist Convent ကျောင်းမှာ ၂ နှစ်သွားထားတယ်။ အဲဒီနောက် ၁၉၅၇ မှာတော့ နမ့်ခမ်းမြို့ နောင်စန့်တောင်ပေါ်ကျောင်းမှာ သတ္တမတန်းကို အောင်မြင်ခဲ့တယ်။

၁၉၅၇ – ၅၈ အဖိုးဖြစ်သူက စီးပွားရေးကြောင့် တောင်ကြီးကို ပြောင်းသွားတော့ စိုင်းလောဝ်ဆိုင်နဲ့ ညီဖြစ်သူ စိုင်းဆိုင်မောဝ်လည်း လိုက်ပါသွားရပြန်တယ်။ ၁၉၅၉ မှာတော့ တောင်ကြီး အမှတ် (၁)ကျောင်းမှာ အဋ္ဌမတန်းကို အောင်မြင်ခဲ့တယ်။ မကြာခင်မှာ အဖိုးဖြစ်သူက ရန်ကုန်ကို ပြောင်းသွားပြန်တော့ စိုင်းလောဝ်ဆိုင်လည်း အလုံမြို့နယ်၊ ကူရှင်ကျောင်း (ယခု အမှတ် ၄ အထက)မှာ ကျောင်းတက်ပြီး ၁၉၆၀-၆၁ မှာတော့ High School Final) ကိုအောင်ကာ ဆယ်တန်းကို ဆက်တက်ခဲ့တယ်။ ဒါပေမယ့် သူ့ရဲ့ ပညာရေး ကံက အဲလောက်ပဲပါလာသလားတော့ မပြောတတ်ဘူး။ ဆယ်တန်းမှာပဲ အဆုံးသတ်သွား တယ်။ လူဘဝသင်တန်းကျောင်းကတော့ သက်ဆုံးတိုင် လူတိုင်း ဆက်လေ့လာသင်ယူရဦး မှာ ဖြစ်တယ်။

ဝါသနာ

မျိုးစေ့တစ်စေ့ဆိုတာ မြေသြဇာကောင်းနဲ့ မတွေ့သေးရင်၊ မိုးရေ၊ ရေစသဖြင့် မတွေ့သေးရင်၊ နေရောင်ခြည်နဲ့မထိတွေ့သေးရင် အပင်မပေါက်နိုင်သေးဘူး။ စိုင်းလောဝ်ဆိုင်လည်း အဲဒီ အတိုင်းပါပဲ။ ၁၉၇၂-၇၃ ခုမှာတော့ ညီဖြစ်သူ စိုင်းဆိုင်မောဝ်နဲ့အတူ ကျိုင်းဟိုင်း(ထိုင်းနိုင်ငံ)မှာ ရှမ်းခေတ်သစ် သီချင်းသွားသွင်းဖြစ်တာကြောင့် ရှမ်းသီချင်းရေးဖို့ အကြောင်းဖန်လာတယ်။ အဲဒီကစ မျိုးစေ့ရလာပြီး လမ်းပွင့်သွားတယ်လို့ ဆိုရပါမယ်။ အစ်ကိုဖြစ်သူက သီချင်းရေး၊ ညီဖြစ်သူက အသံကောင်းကောင်းနဲ့ သီချင်းဆိုလိုက်တဲ့အခါ ရှမ်းပရိသတ်များအတွက် နားဝင်ပီယံဖြစ်ခဲ့ရတယ်။ သူတို့ညီအစ်ကိုနှစ်ယောက်ကတော့ ခေါက်ဆွဲစားတဲ့အချိန်မှာ အသုံး ပြုရတဲ့ တူလိုပဲ။

တူ

          တူဆိုတာဟာ နှစ်ချောင်းရှိမှ လိုရာကို ညှပ်စားနိုင်မှာဖြစ်တယ်။ သူတို့ညီအစ်ကိုလည်း ဒီတူအတိုင်းပါပဲ။ ရွှေလီမြစ်ဝှမ်းဒေသမှာ တူနဲ့ပတ်သက်တဲ့ မှတ်သားစရာ တစ်ခုရှိဖူးတယ်။ ကိုးသိန်းသခင် သိုခန်ဘွားနဲ့ သူညီ စစ်သူကြီးခွန်ဆမ်တို့ အကြောင်းပါ။

          စစ်သူကြီးခွန်ဆမ်ဟာ အစ်ကိုဖြစ်သူရဲ့ အမိန့်အရ အေဒီ ၁၂၃၀ မှာ မောအင်ပါယာကို ချဲ့ထွင်စဉ် ရခိုင်၊ မဏိပူ၊

အာသံဒေသကို အောင်မြင်ခဲ့တယ်။ သို့သော် တခြားစစ်သူကြီးတွေ သွေးထိုးမှုကြောင့် သိုခန်ဘွားက ညီဖြစ်သူအား အထင်မှားပြီး အဆိပ်ခတ်သတ်ခဲ့တယ်။ ညီတော်မရှိတဲ့နောက်ပိုင်း မယ်တော်ဖြစ်သူက သိုခန်ဘွားအား ဆုံးမရန်အတွက် ထမင်းစားချိန် တူတစ်ချောင်းသာ ထဲ့ပေးလိုက်တယ်။ သိုခန်ဘွားက စိတ်ဆိုးပြီး (တူတစ်ချောင်းထဲ ဘယ်လိုလုပ်ပြီး အသုံးပြုနိုင်မှာလဲ၊ ဒါဘယ်သူလုပ်လာသလဲ)တဲ့။ အဲဒီအချိန်မှာ မယ်တော်ဖြစ် သူက (မယ်တော်လုပ်လာတာ တူတစ်ချောင်းထဲ ဘာမှ ညှပ်ယူလို့ မရသလို ညီတော်ကို သတ် ပြီးတဲ့နောက် တစ်ယောက်ထဲ ဘယ်တိုင်းပြည်ကို ထပ်ပြီး တိုက်နိုင်မလဲ)တဲ့။ မယ်တော်ပြောတဲ့ စကားက ညီအစ်ကိုအချင်းချင်း ညီညွတ်ဖို့အတွက် လွန်စွာတန်ဖိုးရှိလှတယ်။ အနုပညာလော ကမှာ စိုင်းလောဝ်ဆိုင်နဲ့ စိုင်းဆိုင်မောဝ်တို့ ညီအစ်ကိုလဲ ဒီတူနှစ်ချောင်းလိုပဲ။

နာမည်ကြီး ရှမ်းသီချင်းများ

          ၁၉၇၆-၇၇ မှာ ဇင်းမယ် New Brother ကုမ္ပဏီရဲ့ ဖိတ်ကြားချက်အရ စိုင်းဆိုင်မောဝ် က သီချင်းသွားဆိုပြီး စိုင်လောဝ်ဆိုင်က သီချင်းသွားရေးခဲ့လို့ ရှမ်းအမှတ်တရ တေးသီချင်း အမှတ် ၀၀၁၊ ၀၀၂၊ ၀၀၃ ထွက်လာတယ်။ ရှမ်းပရိသတ်များ အကြိုက်သီချင်းတွေဖြစ်ခဲ့တယ်။ တေးရေးသူရဲ့ အမည်ကိုလည်း အဲဒီအချိန်မှာ အများအတွက် ငြိမ်းချမ်းစေဖို့ဆိုပြီး စိုင်းလောဝ် ဆိုင် (ကြည်လင်လင်းလက်သောကြယ်)ဆိုတဲ့ နာမည်တပ်ခဲ့တယ်။

          အတွေးအခေါ် ဉာဏ်မမီတာက တစ်ကြောင်း၊ စာသားတွေ မကြင်လည်တာကတစ် ကြောင်း စတာတွေကြောင့် သီချင်းစရေးတုံးကတော့ အခက်အခဲဆိုတာ ရှိစမြဲပါ။ ဒါပေမယ့် ရေးရင်းကျင့်ရင်းနဲ့ ခက်တာတွေလည်း သွက်လာတယ်၊ တန်ဘိုးမရှိတဲ့စကားတွေလည်း တန် ဘိုးရှိလာတယ်။ စိုင်းလောဝ်ဆိုင်ရဲ့သီချင်းတွေလည်း ဒီအတိုင်းပါပဲ။ သီချင်းရေးတယ်ဆိုတာ လွယ်တော့မလွယ်ပါ။ တချို့ကဒီလိုထင်တတ်သေးတယ်။ ဂီတာတီးတတ်မှ သီချင်းရေးတတ် တယ်ပေါ့။ အဲဒါ မဟုတ်ပါဘူး။ စိုင်းလောဝ်ဆိုင်က ဂီတာမတီးတတ်ဘူး။ ဒါပေမယ့် သီချင်း ရေးဖွဲ့တတ်တယ်။ ဂီတာတီးတတ်ပြီး သီချင်းပါရေးဖွဲ့တတ်ရင်တော့ ရှမ်းအဆိုတော် စိုင်းမူးလို တေးသွားတွေ ပိုပြီး လှပခန့်ညားမှာပေါ့။

          စိုင်းလောဝ်ဆိုင်ရဲ့ သီချင်းစာသားတွေကလည်း ကောင်းမွန်၊ ဆိုတဲ့သူ စိုင်ဆိုင်မောဝ်ရဲ့ အသံကလည်း ကောင်းလွန်လေတော့ ထွက်ခဲ့တဲ့ စီးရီးတွေဟာ ရှမ်းပရိသတ်များအတွက် ပျားရည်ဆမ်းသီချင်းလို့ ဆိုရပါမယ်။ သီချင်းသွင်းပြီး အပြန်လမ်း(မိုင်းပန်-လင်းခေးလမ်း)မှာ မိုင်းပန်အရောက် နောင်လေရွာမှာ မူလတန်းပြဆရာလုပ်နေတဲ့ ရှမ်းအဆိုတော်ဖြစ်လာမည့် စိုင်းမူးနဲ့ တွေ့ဆုံဖြစ်သေးတယ်။

ကျောက်ကုန်သည်ဖြစ်ချင်သူ

          လူဆိုတာ သူ့ရည်ရွယ်ချက်နဲ့သူ ရှိစမြဲပါ။ သို့သော် ရည်ရွယ်ချက်တွေဟာ တချို့ မိမိရဲ့ဆန္ဒအတိုင်းဖြစ်လာသလို တချို့လည်း သဲထဲရေသွန်ဖြစ်စမြဲပါ။ စိုင်းလောဝ်ဆိုင်က လည်း ရည်ရွယ်ချက်ကြီးမားစွာနဲ့ ငွေထောချင်တဲ့သူဖြစ်ချင်တယ်။ ဒါပေမယ့် မျှော်လင့်တဲ့ အတိုင်း ဖြစ်မလာခဲ့ဘူး။ ၁၉၈၃-၈၅ တုံးက ကျောက်စိမ်းလောပန်းဖြစ်ဖို့ဆိုပြီး ဖားကန့်၊ မျောက်ဖြူမှော်မှာ ကျောက်တူးသမားဖြစ်ခဲ့တယ်။ အထင်နဲ့ အမြင်နဲ့လွှဲကာ အလုပ်မဖြစ်ဘဲ ၁၉၈၆ မှာ တပ်ခေါက်ခဲ့တယ်။ အဲဒီအချိန် ညီဖြစ်သူ စိုင်းဆိုင်မောဝ်က မန္တလေး ၆၃ လမ်း၊ ၂၉-၃၀ အကြားမှာနေနေတုံးပါ။ ၁၉၉၁ ခုမှာတော့ စိုင်းလောဝ်ဆိုင်ဟာ နန်းသီတာနဲ့ အိမ်ထောင် ကျခဲ့တယ်။ နောက်ပိုင်း

(၁) စိုင်းခမ်းဆိုင် (၂) စိုင်းအွမ်ဆိုင် (၃) စိုင်းဖုန်းဆိုင် သားသုံးယောက် ထွန်းကားခဲ့တယ်။

          ၂၀၀၀ ပြည့်နှစ်မှာတော့ ကျိုင်းတုံမှ စိုင်းကျော်ကျော်၊ မန္တလေး Onpa တေးသံသွင်းမှ စိုင်းအောင်လှိုင်းဆိုင်၊ နမ့်ခမ်းမှ စိုင်းထုံ့လှိုင်းဆိုင်တို့က နန်းခမ်းနောင့်(နမ့်ခမ်း )အတွက် သီချင်း ရေးပေးရန် တောင်းဆိုလာလို့ ရှမ်းသီချင်း တစ်ခွေစာ ရေးပေးလိုက်တယ်။ နန်းခမ်းနောင့် လည်း အနုပညာပါရမီးရှင်တစ်ဦးဖြစ်လို့ သူမပွဲဦးထွက်ခွေဖြစ်တဲ့ (မတ်ဟိုစိုင်လျက်ငင်း = အသပြာ နှလုံးသား)စီးရီးဟာ တကယ့်ပေါက်စီးရီးဖြစ်သွားခဲ့တယ်။ နဂိုကတည်းက သီချင်းစာသားလှတဲ့ စိုင်းလောဝ်ဆိုင်ရဲ့ အရေးအသားကို ပိုမိုပြီး ထင်ပေါ်စေခဲ့တယ်။ အဲဒီနောက် ရှမ်းသီချင်း၊ ဗမာသီချင်း ၉ ခွေစာလောက် ရေးဖြစ်ခဲ့တော့တယ်။

          အစတုံးက စိုင်းလောဝ်ဆိုင်ဟာ သူ့ရဲ့ညီ စိုင်းဆိုင်မောဝ်အတွက်ပဲ သီချင်းတွေရေး ပေးတယ်။ တခြားသူတွေအတွက် မရေးပေးဘူးလို့ ထင်နေကြတယ်။ နန်းခမ်းနောင့်ရဲ့ အသပြာ နှလုံးသား ထွက်လာတော့မှ အားလုံးသဘောပေါက်ပြီး နောက်ပေါက်အဆိုတော် တွေ သူ့နဲ့အဆက်အသွယ် လုပ်လာကြတော့တယ်။ စိုင်းလောဝ်ဆိုင်လည်း အနုပညာစိတ် ဓါတ်အပြည့်အဝရှိသူပါ။ သူဖန်တီးလာတဲ့ တေးသီချင်းတွေဟာ တစ်ဦးတစ်ယောက်အတွက် မဟုတ်ဘဲ အများသူငါ ခံစားနားဆင်ဖို့ပါ။

          စိုင်းလောဝ်ဆိုင်ဟာ အခက်အခဲအမျိုးမျိုးကို ဖြတ်ကျော်ခဲ့ပြီး ရှမ်းသီချင်းသစ်တွေ များ စွာရေးသားနိုင်ခဲ့တယ်။ မိမိရဲ့ အနုပညာလမ်းကြောင်းပေါ် ယုံကြည်စွာနဲ့လျှောက်လှမ်းလာခဲ့ တယ်။ မျိုးဆက်သစ်လူငယ်များအတွက် ဦးဆောင်လမ်းဖွင့်ပေးခဲ့တယ်။ လက်တွဲဖေးကူခဲ့ တယ်။ သူရေးခဲ့တဲ့သီချင်းတွေကတော့ အချစ်ကို ဦးစားပေးတဲ့သီချင်း၊ ပျော်ရွှင်မှုကို ဖြည့်ဆည်းပေးတဲ့သီချင်း၊ အသိပညာပေး သီချင်း၊ ရိုးရာသီချင်း၊ အမျိုးသားရေးသီချင်းတွေ များစွာသီကုံးနိုင်ခဲ့တယ်။ ရှမ်းသီချင်းအပုဒ်ပေါင်း ၂၀၀၀ ကျော်၊ မြန်မာသီချင်း အပုဒ် ၃၀ ကျော်ရေးသားနိုင်ခဲ့တယ်။ ရှမ်းဗုဒ္ဓဝင်၊ အောင်ခြင်းရှစ်ပါးစီးရီးတစ်ခွေကိုလည်း ကို

ယ်တိုင်ရေး စပ် သီဆိုခဲ့သေးတယ်။ သူကိုယ်တိုင်လည်း သူများနဲ့အတူ စီရီး ၄ ခွေလောက် ဆိုဖူးသေး

တယ်။ မင်မကုန်သေးသ၍ တေးသီချင်းတွေ ဆက်ရေးဦးမယ်လို့ဆိုတယ်။

          စိုင်းလောဝ်ဆိုင်ရဲ့ ပရိသတ်အတွက် အမှာစကားကတော့ . . .

          တစ်ယောက်နဲ့တစ်ယောက်၊ တစ်ဖွဲ့နဲ့တစ်ဖွဲ့ ချစ်ချစ်ခင်ခင်ရှိကြပြီး ရိုင်းပင်းကူညီမှု ရှိကြပါစေ။ ချစ်ခင်ခြင်းဟာ ရေရှည်အတွက် ပိုမိုခိုင်မြဲစေတယ်။ အကျွန်ုပ် စိုင်းလောဝ်ဆိုင် လို့ အမည်ရခဲ့တာကလည်း ပရိသတ်က အသိအမှတ်ပြုပေးလို့ ဒီနာမည်ရလာခဲ့တာပါ။ ဒါကြောင့် ပရိသတ်အားလုံးကို အစဉ်ထာဝရ လေးစားပါတယ်။ အနာဂတ်မှာလည်း အချင်းချင်း ဆက်လက် ကူညီဖေးမကြပါ။

          ယခု နေနေတာကတော့ မန္တလေးက ၂၈ လမ်း၊ ၆၄-၆၅ လမ်းကြား အောင်တော်မူရပ် မှာ မိသားစုနဲ့အတူ နေထို

င်လျက်ပါ။

          စိုင်းလောဝ်ဆိုင်ဟာ ရှမ်းလူမျိုးအတွက် ခေတ်သစ်တေးသီချင်းများကို ခေတ်နှင့်အညီ တီထွင်ဖန်တီးပေးကာ အမျိုးဘာသာ သာသနာတော်အတွက် ဂုဏ်တင့်ပေးခဲ့လို့ပင်လုံမြို့ ပိဋကတ်ရှမ်း ဘာသာပြန်အဖွဲ့ချုပ်၊ ပရိယတ္တိသဒ္ဓမ္မပါလ စာပွဲတော်မှ ၁၉၇၀ ပြည့် ကဆုန်လဆန်း ၁၃ ရက် နေ့ (၁၇၊ ၅၊ ၂၀၀၈)၊ ရွှေရတုစာပြန်ပွဲတော်မှာ စိုင်းလောဝ်ဆိုင်အား ရှမ်းအနုပညာရှင် ထူးချွန်ဆုကို ချီးမြှင့်ပေးခဲ့တယ်။ သူကိုယ်တိုင် ဆုတက်ယူခဲ့တဲ့အချိန်မှာ တော့ ပရိသတ်ရဲ့ လက်ခုပ်သံတွေဟာ မိုးထက်သို့ ညံနေခဲ့တယ်။ အဲဒီညမှာ သူကိုယ်တိုင် သူ့အကြိုက်ဆုံး တေးသီချင်းနဲ့ ဖျော်ဖြေပေးသွားတော့ ရွှေရတုပွဲလာ ပရိသတ်တွေဝမ်းသာ ဂုဏ်ယူမဆုံး ပီတိတွေဖုံးတဲ့ ညလေးတစ်ညလို့ ဆိုရင်လည်း မမှားပါဘူး။

၂၀၀၉ ခု ရွှေရတုပုံရိပ် မဂ္ဂဇင်းမှ ရှမ်းစာရေးဆရာ ဟိုင်းဆေခိုင်၏ စာမူကို ဆီလျှော်အောင် ဘာသာပြန်ထားသည်။

Get: Sao Su Kham

http://shanstatedefencearmy.blogspot.com/

Share: