တစ်ချိန်က စင်ပြိုင်အစိုးရ (သို့မဟုတ်) ပြည်ထောင်စု မြန်မာနိုင်ငံ အမျိုးသားညွန့်ပေါင်းအစိုးရ မှတ်တမ်းများ


နေ့စွဲ။ ၁၉၉၀ ခုနှစ်။ ဒီဇင်ဘာလ ၁၈ ရက်
၁၃၅၂ ခုနှစ်။ ပြာသိုလဆန်း ၃ ရက်

မြန်မာနိုင်ငံအား ဦးနေ၀င်း စစ်အုပ်စု၏ ၂၆ နှစ်ကျော်တိုင်တိုင် စစ်အာဏာရှင်စနစ်၊ တစ်ပါတီ အာဏာရှင် စနစ်ဖြင့် ကျွန်ပြု အုပ်စိုးခဲ့သည်ကို မခံမရပ် နိုင်သည့်အဆုံး ရဟန်းရှင်လူ ပြည်သူ အပေါင်းနှင့် ကျောင်းသား လူငယ်များသည် ၁၉၈၈ ခုနှစ်တွင် နိုင်ငံအနှံ့အပြား ဆန္ဒပြပွဲများ၊ အထွေထွေ သပိတ်တိုက်ပွဲများဖြင့် ဆန့်ကျင် တွန်းလှန် ခဲ့သည်ကို မြန်မာနိုင်ငံရှိ ပြည်သူ တစ်ရပ်လုံးနှင့် ကမ္ဘာ့ပြည်သူများ အသိပင် ဖြစ်ပါသည်။
၁၉၈၈ ခုနှစ် လူထု၏ ဆန္ဒပြ တောင်းဆိုမှုများကို ဦးနေ၀င်း စစ်အုပ်စုမှ စစ်တပ်ဖြင့် ရက်စက်စွာ နှိပ်ကွပ်ပြီး အာဏာသိမ်းခဲ့ ပြန်သည်။ ဗိုလ်ချုပ်ကြီး စောမောင် ခေါင်းဆောင်သော စစ်အုပ်စုသည် ပါတီစုံ ဒီမိုကရေစီ အထွေထွေ ရွေးကောက်ပွဲကြီး ကျင်းပပေးမည်ဟူသော အကြောင်းပြချက်ဖြင့် နိုင်ငံတော်၏ လုပ်ငန်းအ၀၀ကို နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ အမည်ခံကာ ဆောင်ရွက်ခဲ့သည်။
ရွေးကောက်ပွဲ မတိုင်မီ ကာလတစ်လျှောက် နိုင်ငံရေးပါတီများ၏ စည်းရုံးရေး လုပ်ငန်းများကို အမိန့် ကြေညာချက်များဖြင့် ပိတ်ပင်တားဆီး ကန့်သတ်ခဲ့သည်။ နိုင်ငံရေးပါတီများသည် န၀တ စစ်အုပ်စု၏ (၂/၈၈)၊ (၈/၈၈) နှင့် မာရှယ်လော အမိန့် ကြေညာချက်များ အောက်တွင် ကျပ်တည်း ကျဉ်းမြောင်းစွာ ပါတီ တည်ဆောက်ရေး လုပ်ငန်းများ၊ စည်းရုံးဟောပြောရေး လုပ်ငန်းများကို ဆောင်ရွက် ခဲ့ကြသည်။ ပြည်သူများ၏ ထောက်ခံမှု ရရှိနေသော အမျိုးသား ဒီမိုကရေစီအဖွဲ့ချုပ် အပါအ၀င် အခြား ဒီမိုကရေစီ အဖွဲ့အစည်းများနှင့် အင်အားစုများကို နည်းမျိုးစုံဖြင့် ချုပ်ချယ် ဟန့်တားခဲ့သည်။ … အမျိုးသား ဒီမိုကရေစီ အဖွဲ့ချုပ်၏ ဥက္ကဋ္ဌကြီး ဦးတင်ဦးနှင့် အထွေထွေ အတွင်းရေးမှူး ဒေါ်အောင်ဆန်းစုကြည် အပါအ၀င် ပါတီအသီးသီးမှ ခေါင်းဆောင် များနှင့် အဖွဲ့ဝင် အများအပြားအား အကျယ်ချုပ် ချထားခြင်း၊ ဖမ်းဆီးခြင်း၊ တရားစွဲဆိုခြင်း၊ အပြစ်ပေးခြင်း၊ မကြာခဏ ခေါ်ယူ စစ်ဆေး မေးမြန်းခြင်းများ ပြုလုပ်ခဲ့သည်။ ညအချိန်မတော် စစ်တပ်ဖြင့် ၀င်ရောက်ရှာဖွေ ဖမ်းဆီးခြင်းများကိုလည်း ပြုလုပ်ခဲ့သည်။
ဒီမိုကရေစီ လိုလားသော ပြည်သူများအားလည်း မိမိတို့ သဘောထားများ၊ ဆန္ဒများကို မထုတ်ဖော်ရဲစေရန် နည်းမျိုးစုံဖြင့် ခြိမ်းခြောက်ခြင်းများ၊ မေးမြန်းခြင်း၊ ခေါ်ယူစစ်ဆေးခြင်းများ ပြုလုပ်ခဲ့သည်။ ပြည်သူများ၏ လွတ်လပ်စွာ တွေးခေါ်မှုနှင့် ပြည်သူ့ဆန္ဒ လွတ်လပ်စွာ ဖော်ထုတ်ခွင့်ကို ခြိမ်းခြောက် ပိတ်ပင်ခဲ့သည်။ ပြည်သူများအား စစ်အုပ်ချုပ်မှု အောက်တွင် ကြောက်ရွံ့ ထိတ်လန့်စွာဖြင့် ပြားပြားဝပ်နေစေရန် ဖန်တီးခဲ့သည်။ ဤသို့သော အကျပ်အတည်း၊ အခက်အခဲ၊ အတားအဆီးများ အောက်တွင် ကျပ်တည်း ကျဉ်းမြောင်းစွာ စည်းရုံး လှုပ်ရှားရင်းဖြင့် ရွေးကောက်ပွဲကို ၀င်ရောက် ယှဉ်ပြိုင်ခဲ့ကြရသည်။
အမျိုးသား ဒီမိုကရေစီ အဖွဲ့ချုပ်သည် ရွေးကောက်ပွဲတွင် ပြည်သူလူထု၏ တစ်ခဲနက်သော ထောက်ခံမှုဖြင့် ပြည်သူ့လွှတ်တော် ကိုယ်စားလှယ် ၈၂ ရာခိုင်နှုန်းကျော် ရရှိခဲ့သည်။ မြန်မာနိုင်ငံ၏ သမိုင်း ဖြတ်သန်းမှုနှင့် ပကတိ အခြေအနေကလည်း ဒီမိုကရေစီနှင့် လူ့အခွင့်အရေးကို ဖော်ဆောင် ပေးနိုင်မည့် လူထုအစိုးရ တစ်ရပ် လိုအပ်လျက် ရှိသည်။ စစ်အုပ်စုသည် ၎င်း၏ ရုပ်သေး အစိုးရတစ်ရပ် ပေါ်ပေါက် လာရေးအတွက် ရွေးကောက်ပွဲ ကျင်းပပေးခဲ့ခြင်း ဖြစ်သည်။ သို့ရာတွင် ပြည်သူများ အနေဖြင့်မူ ရွေးကောက်ပွဲကြီး အပြီးတွင် စစ်မှန်သော လူထု အစိုးရတစ်ရပ် ပေါ်ထွန်း လာလိမ့်မည်ဟု မျှော်မှန်းခဲ့ကြသည်။ ယင်း မျှော်မှန်းချက်အပေါ် အခြေခံ၍ ပြည်သူများသည် အမျိုးသား ဒီမိုကရေစီ အဖွဲ့ချုပ်ကို တစ်ခဲနက် ဆန္ဒမဲပေးခဲ့ခြင်း ဖြစ်သည်။ ယင်းသို့ ဆန္ဒမဲပေး တစ်ခဲနက် ထောက်ခံလိုက်ခြင်းသည် ဒီမိုကရေစီနှင့် လူ့အခွင့်အရေး ရရှိရေးအတွက် လူထုအစိုးရ တစ်ရပ် အမြန်ဆုံး ပေါ်ထွန်းရေး သမိုင်းပေး တာဝန်ကို အမျိုးသား ဒီမိုကရေစီ အဖွဲ့ချုပ်အား အပ်နှင်းလိုက်ခြင်း ဖြစ်သည်။
န၀တ စစ်အာဏာရှင် အုပ်စုသည် ၎င်းတို့ အမျိုးမျိုး ဖိနှိပ်ခြိမ်းခြောက် ချုပ်ချယ် တားမြစ် ကန့်သတ်သည့်ကြားမှ ကိုယ်စားလှယ် အများစု အနိုင်ရရှိ လာသော အမျိုးသား ဒီမိုကရေစီ အဖွဲ့ချုပ်သို့ အာဏာ အပ်နှင်းရန် အစီအစဉ် မရှိသည့် အလျောက် ပြည်သူ့လွှတ်တော်ကို အာဏာလွှဲပြောင်း ပေးရေးကို ကြန့်ကြာစေမည့် အစီအစဉ်များ ချမှတ်ပြီး ၎င်းတို့၏ အစီအစဉ်များကိုသာ နိုင်ငံရေး ပါတီများမှ လက်ခံလာစေရန် အတင်းအဓမ္မ ဖမ်းဆီးခြင်း၊ ခြိမ်းခြောက်ခြင်းဖြင့် အကျပ်ကိုင်ခဲ့သည်။
န၀တသည် အမိန့်အမှတ် (၁/၉၀) ဖြင့် ပြည်သူများက ရွေးချယ် တင်မြှောက်လိုက်သော ပြည်သူ့ ကိုယ်စားလှယ်များဖြင့် ဖွဲ့စည်းသည့် အစိုးရ မပေါ်ပေါက်လာရေးအတွက် လွှတ်တော် အမြန်ဆုံး ခေါ်ယူရေးနှင့် ပြည်သူ့ကိုယ်စားလှယ်များသို့ အာဏာအမြန်ဆုံး လွှဲပြောင်းပေးရေးကို ငြင်းပယ်ခဲ့သည်။ ပြည်သူ့လွှတ်တော် ကိုယ်စားလှယ်များသည် န၀တ၏ အမိန့်အမှတ် (၁/၉၀) အား လက်မခံဘဲ ဂန္ဒီခန်းမ ကြေညာစာတမ်းဖြင့် စက်တင်ဘာလအတွင်း ပြည်သူ့လွှတ်တော် ခေါ်ယူပေးရန် တောင်းဆိုခဲ့သည်။ ထိုတောင်းဆိုချက်အပေါ် ရွေးကောက်ပွဲ၌ အနိုင်ရရှိသည့် အခြား နိုင်ငံရေးပါတီများနှင့် ညီညွတ်ရေး ရရှိသည့် အခါတွင် ဂန္ဒီခန်းမ ကြေညာစာတမ်းအပေါ် ရပ်တည်သော၊ ၎င်းကြေညာစာတမ်းကို ထောက်ခံသော နိုင်ငံရေး ပါတီများအပေါ် ပိုမို ဖိနှိပ်မှုများ ပြုလုပ်လာသည်။ အမျိုးသား ဒီမိုကရေစီ အဖွဲ့ချုပ် ခေါင်းဆောင်များကို ထပ်မံဖမ်းဆီးခြင်း၊ လူ့ဘောင်သစ် ဒီမိုကရက်တစ် ပါတီဝင်များကို ထပ်မံ ဖမ်းဆီးခြင်းများ ပြုလုပ်လာသည်။ ထို့အပြင် နိုင်ငံရေး ပါတီများ၏ မှတ်တမ်းလွှာများ၊ သတင်းလွှာများ၊ ထုတ်ဝေဖြန့်ချိမှုများကို နည်းမျိုးစုံဖြင့် ပိတ်ပင် တားမြစ်ခြင်း၊ မြို့နယ်နှင့် ကျေးရွာအဆင့်ထိ ထိုပါတီများ၏ စည်းရုံး ဟောပြောခွင့်ကို ပိတ်ပင်တားမြစ်ခြင်း၊ အမျိုးသား ဒီမိုကရေစီ အဖွဲ့ချုပ် မြို့နယ်ရုံးများကို စစ်တပ်၊ ပြည်သူ့ရဲ၊ ထောက်လှမ်းရေးများနှင့် ၀ိုင်းဝန်း ၀င်ရောက် ရှာဖွေခြင်း၊ ပြည်သူ့လွှတ်တော် ကိုယ်စားလှယ်များကို ဖမ်းဆီး အရေးယူခြင်း၊ မြို့နယ် စည်းရုံးရေးမှူး များကို ခေါ်ယူ မေးမြန်းခြင်းများ ပြုလုပ်ခဲ့သည်။ န၀တ အစိုးရသည် ၎င်းကိုယ်တိုင် ဖွဲ့စည်းထူထောင်ခွင့်၊ မှတ်ပုံတင်ခွင့်၊ တရားဝင် ရပ်တည်ခွင့် ပေးခဲ့သော နိုင်ငံရေး ပါတီများအနက် နိုင်ငံရေးပါတီ အများအပြားအား အကြောင်း အမျိုးမျိုးပြ၍ ၎င်းထုတ်ပြန်ထားသော ဥပဒေများ၊ အမိန့်များကို ကိုးကားပြီး ““ဥပဒေအရ အရေးယူသည်”” ဟူသော မတရားအမိန့်ကို ဆိုင်းဘုတ်တပ်ကာ နိုင်ငံရေးပါတီ အဖြစ်မှ ပယ်ဖျက်ခဲ့သည်။ န၀တသည် နည်းလမ်း ပေါင်းစုံဖြင့် အမိန့်ကြေညာချက် ပေါင်းစုံ ထုတ်ပြန်ကာ စွပ်စွဲချက် အမျိုးမျိုးဖြင့် နိုင်ငံရေး ပါတီများအား ဖျက်သိမ်းခြင်း၊ အင်အားချည့်နဲ့ပြီး ဖျက်သိမ်းရမည့် အခြေအနေ ရောက်အောင် ဖန်တီးခြင်းဖြင့် နိုင်ငံရေး ပါတီများ ပျောက်ကွယ်စေပြီး ၎င်း၏ အလိုကျ ၎င်း၏ သစ္စာခံ၊ ၎င်း၏ ရုပ်သေးနိုင်ငံ ရေးပါတီများနှင့် နိုင်ငံရေး လုပ်စားသူများသာ ကျန်ရှိအောင် ဖန်တီးခဲ့သည်။ ဤသို့သော နည်းလမ်း ပေါင်းစုံဖြင့် နိုင်ငံရေး ပါတီများအား န၀တ၏ အမိန့်အမှတ် (၁/၉၀) အား လက်ခံလာရန် နိုင်ငံရေး အကျပ်ကိုင်မှုဖြင့် လက်မှတ် ရေးထိုးရသည့် အဆင့်သို့ ရောက်အောင် ဖန်တီးခဲ့သည်။

ဆက်လက်ဖော်ပြပါမည်။
ပြည်ထောင်စုမြန်မာနိုင်ငံ၊ အမျိုးသားညွန့်ပေါင်းအစိုးရ
ဖွဲ့စည်းတည်ထောင်ခြင်း ၁၀ နှစ်မြောက် အထိမ်းအမှတ်မှ ပြန်လည်ဖော်ပြသည်။

Get from >>>> သံတော်ဆင်. 
http://shanstatedefencearmy.blogspot.com/ 


Share:

No comments:

Post a Comment

္ဒ္ဂ္မျတှငျှုထ္ဂမျ

Popular Posts

Blog Archive

FACEBOOK PAGE

Recent Posts