ခိုင်မာတဲ့ Relationship တစ်ခု၏ လက္ခဏာရပ်များ



ခိုင်မာတဲ့ Relationship တစ်ခုဆိုတာ အပြန်အလှန်လေးစားမှုတွေ၊ မျှဝေခံစားမှုတွေ၊ ယုံကြည့်မှုတွေနဲ့ ဖွဲ့စည်းတည်ဆောက်ထားတာပါ။ လက်တွဲဖော်နှစ်ဦးလုံး တစ်ယောက်ကိုတစ်ယောက်ယုံကြည်မှုအပေါ် အခြေခံပြီး relationship တစ်ခုထဲမှာရှိတဲ့ တာဝန်နဲ့ လုပ်ပိုင်ခွင့်တွေကို ညီတူမျှတူ မျှဝေတတ်ကြတယ်လေ။
ဒီလို ခိုင်မာစွာ တည်ဆောက်ထားတဲ့ relationship တစ်ခုရဲ့ လက္ခဏာရပ်အချို့ကတော့
ရိုသေလေးစားခြင်း
တစ်ယောက်စကားကို တစ်ယောက်ကနားထောင်ပေးပါတယ်။ နှစ်ဦးနှစ်ဖက် ထင်မြင်ချက်တွေကို တန်ဖိုးထားကြတယ်။ ဝေဖန်ပြောဆိုတဲ့ အပြုအမူမျိုးမဟုတ်တဲ့ ပုံစံနဲ့ သေချာနားထောင်ပေးကြပါတယ်။ ဒီလို တစ်ဖက်ပြောစကားကို လေးစားစွာနားထောင်ခြင်းက သူ့ကို နားလည်နိုင်အောင် ကြိုးစားခြင်း ပါဝင်သလို သူ့ရဲ့ခံစားချက်ကိုလည်း သေချာသိရှိနိုင်ပါတယ်။  ဤဆောင်းပါးကို ဂန္တဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။

ယုံကြည်ထောက်ခံပေးခြင်း

တစ်ယောက်ကိုတစ်ယောက် ဘဝပန်းတိုင်တွေ ရယူနိုင်ဖို့ ထောက်ပံ့ပေးကြတယ်။ တစ်ဖက်ရဲ့ ခံစားချက်၊ စိတ်ကူး၊ မိတ်ဆွေ၊ လုပ်ငန်းနဲ့ စိတ်ပါဝင်စားတဲ့ အရာတွေကို လေးစားကြပါတယ်။ ဒါတွေက တစ်ဦးကိုတစ်ဦး တန်ဖိုးထားကြလို့ပါ။

ရိုးသားခြင်းနှင့် တာဝန်ယူတတ်ခြင်း

တစ်ဦးနှင့်တစ်ဦး ပွင့်ပွင့်လင်းလင်း၊ မှန်မှန်ကန်ကန် ပြောဆိုဆက်ဆံပြီး အမှားကိုဝန်ခံကြပါတယ်။ တစ်ဦးပြဿနာကို တစ်ဦးက တာဝန်ယူပြီး လက်ခံပါတယ်။

တာဝန်များ မျှဝေခြင်း

မိသားစု သို့မဟုတ် ချစ်သူနှစ်ဦး မှာ ဆုံးဖြတ်ချက်တွေ တူတူချမှတ်တာ၊ နှစ်ဦးနှစ်ဖက်မျှတစွာ သဘောတူ အလုပ်လုပ်ကြတာမျိုး ပြုလုပ်ကြပါတယ်။ မိဘ သို့မဟုတ် အရွယ်ရောက်နေတဲ့ ချစ်သူနှစ်ဦးက ရှေ့ကဦးဆောင်ပြီး လုပ်ငန်းတာဝန်တွေကို ကြည်ကြည်ဖြူဖြူ လုပ်ကိုင်ကြရင် သားသမီးတွေ နဲ့ ငယ်ရွယ်သူတွေက စံပြထားပြီး အတုယူကြပါတယ်။

စီးပွားရေး လုပ်ဖော်ကိုင်ဖက်

လင်မယား သို့မဟုတ် လက်တွဲဖော်နှစ်ဦးဟာ ငွေကြေးနဲ့ဆိုင်တဲ့ ဆုံးဖြတ်ချက်တွေကို တူတူချမှတ်ကြပါတယ်။ ပြီးတော့လည်း ဒီဆုံးဖြတ်ချက်ကနေ နှစ်ဦးနှစ်ဖက် အကျိုးတူခံစားကြပါတယ်။

မျှမျှတတ ညှိညှိနှိုင်းနှိုင်းရှိခြင်း

တစ်ယောက်ဆန္ဒကို တစ်ယောက်ကဖြည့်ဆည်းပေးဖို့ အဆင်သင့်ရှိတယ်၊ အပြောင်းအလဲကို လက်ခံနိုင်တယ်။ ဆန့်ကျင်ဘက်ဖြစ်နေတဲ့ အခြေအနေတစ်ခုမှာ အပြန်အလှန် စိတ်ကျေနပ်နိုင်မယ့် အဖြေမျိုးကို ရှာဖွေတတ်ကြပါတယ်။

နိုင်ထက်စီးနင်း ခြိမ်းခြောက်တဲ့ အပြုအမူများ မရှိခြင်း

ပြောပုံဆိုပုံ နဲ့ အပြုအမူတွေက နှစ်ယောက်စလုံးကို ဒီ relationship ထဲမှာ ကိုယ်နေရတာ လုံခြုံမှုရှိတယ်လို့ ခံစားစေပါတယ်။ နှစ်ယောက်စလုံးက သက်တောင့်သက်သာနဲ့ ကိုယ့်အကြောင်းပြောဆိုနိုင်ကြပြီး သွားလာလှုပ်ရှားမှုတွေမှာလည်း ညီညီညွတ်ညွတ်ရှိကြတယ်လေ။


Sae Hark 
Get From >>> Gandawin.net
http://shanstatedefencearmy.blogspot.com/
Share:

No comments:

Post a Comment

INTRODUCE OF MY SECOND BOOK

Popular Posts

Blog Archive

FACEBOOK PAGE

Recent Posts